Bashkia Shkodër dhe Qendra Kulturore “Pjetër Gaci” – Shkodër, organizojnë edicionin e XXIVtë të konkursit ndërkombëtar të interpretuesve të rinj të muzikës klasike “Pjetër Gaci”. Konkurrimi do të jetë në datat 11 – 15 qershor 2025.
Ky aktivitet është i hapur për interpretues me aftësi solistike nga mosha 7 deri 23 vjeç nga Shqipëria dhe jashtë saj, të ndara në kategori sipas grup-moshave në specialitetet: piano; harqe; instrumentet e drunjta dhe të tunxhit; kitarë; fizarmonikë dhe kanto. I gjithë konkurrimi do zhvillohet në skenën e Teatrit “Migjeni”.
Ceremonia e hapjes do të zhvillohet me datën 11 qershor 2025 ora 09.30 në Teatrin “Migjeni”.
Koncerti final me interpretuesit më të mirë nga ku do të dalin fituesit e çmimeve të mëdha do të jetë me datën 15 qershor 2025 ora 19:00.
Grupi realizues i konkursit:
Drejtor Artistik: Lorenc Radovani
Konsulent Artistik: Bardhyl Hysa
Drejtor Organizativ: Dritan Mlika
Juritë e konkursit:
1. Piano / Fizarmonikë / Instrumentet e drunjta dhe të tunxhit
2. Harqe / Kitarë / Kanto
Emrat e anëtarëve të Jurive do të bëhen të ditur në vazhdim.
Afati i regjistrimit është deri me datën 6 qershor 2025
Tarifa e regjistrimit është 1500 Lekë (ose 15 Euro).
Regjistrimi kryhet duke plotësuar formularin.